Die Bybelroman: Lees die Bybel as één verhaal van begin tot end (Afrikaans Edition)

Die verhale in die Ou en Nuwe Testament handel nie in die eerste plek oor mense nie. Dit handel oor God, wat hierdie wêreld so hartstogtelik liefhet dat Hy ons nooit kan los nie.
Nou word God se storie in hierdie boek so vertel dat die leser deur die oë van die mense in die Bybel vir God aan die werk kan sien. Die verhale van mense van vlees en bloed, mense met emosies, passies en ideale, kom lê naby aan die moderne mens se hart. Die boodskap kom duidelik na vore: Dis steeds dieselfde God wat Hom ook met mense soos ons bemoei.
“Om deur die Bybel te gewerk het om hierdie boek te skryf, was vir my ’n persoonlike hoogtepunt in my verhouding met God. Ek het geleer om met nuwe oë na God te kyk. Dit is my gebed dat Die Bybelroman elke leser sal help om God op ’n nuwe manier te ervaar en ’n liefde vir die Bybel te ontwikkel.” –JACO THOM